ಪ್ರಕೃತಿಯ ಅಳಲು


ನಾನು ಮಾರ್ಕೆಟ್‍ನಿಂದ ಮನೆಗೆ ಬರುತ್ತಿದ್ದೆ ಅದೊಂದು ನಿರ್ಜನ ಪ್ರದೇಶ. ಒಬ್ಬ ಹೆಂಗಸು ನನ್ನನ್ನು ಹಿಂಬಾಲಿಸುತ್ತಿದ್ದಳು ಅವಳು ನೋಡಲು ಒಂದು ಥರ ಹುಚ್ಚಿಯಂತೆ ಇದಳು, ಮೈಮೇಲೆ ಕೂದಲು ಹರಡಿಕೊಂಡಿತ್ತು. ಹಾಕಿಕೊಂಡಿದ್ದ ಬಟ್ಟೆಯಲ್ಲಾ ಹರಿದು ಹೋಗಿತ್ತು. ಮೈ ಒಳಗಿದ್ದ ರಕ್ತವೆಲ್ಲಾ ಸೋರಿ ಹೋದ ಹಾಗೆ ಒಣಕಲು ಕಡ್ಡಿಯಂತೆ ಇದ್ದಳು. ಅವಳು ಇದ್ದಕ್ಕಿದ್ದ ಹಾಗೆ ನನ್ನೆದುರಿಗೆ ಬಂದು ಅಳತೊಡಗಿದಳು ನನಗೆ ಭಯವಾಯಿತು ಸುತ್ತಲೂ ನೋಡಿದರೆ ಯಾರು ಇಲ್ಲ ನಾನೇ ಧೈರ್ಯ ಮಾಡಿ ಯಾರಮ್ಮಾ ನೀನು? ಏಕೆ ಹೀಗೆ ಅಳುತ್ತಿರುವೆ? ಎಂದೆ ಅದಕ್ಕೆ ಅವಳು ನಾನು ನಿಮ್ಮನ್ನೆಲ್ಲಾ ಹೋತ್ತುಕೊಂಡಿರುವವಳು. ಅದಕ್ಕೆ ನಾನು “ಅರ್ಥವಾಗಲಿಲ್ಲ “ಎಂದಾಗ” ನಾನು ಭೂಮಿತಾಯಿ ನಿಮ್ಮನ್ನೆಲ್ಲಾ ಹೊತ್ತುಕೊಂಡಿದ್ದೇನೆ ಎಂದಳು ಅದು ಸರಿ ನೀನು ಏಕೆ ಆಳುತ್ತಿದ್ದೀಯಾ” ಎಂದಾಗ, “ಏಕೆ ಎಂದರೆ ನನ್ನನ್ನೆಲ್ಲಾ ಮನುಷ್ಯರು ಕಿತ್ತು ತಿನ್ನುತ್ತಿದ್ದಾರಲ್ಲ ನಾನು ಏನು ಮಾಡಲಿ? ನಗರವನ್ನು ಡಿಜಿಟಲ್ ಮಾಡಬೇಕು ಎಂದು ನನ್ನ ಉಸಿರಾಗಿರುವ ಮರಗಳನ್ನು ಕಡಿದರು ಮರಗಳು ಇದ್ದ ಜಾಗದಲ್ಲಿ ಕಟ್ಟಡಗಳನ್ನು ಕಟ್ಟಿದರು ಮರಗಳಿದ್ದ ಕಾಡನ್ನು ಕಾಂಕ್ರೀಟ್ ನಾಡನ್ನಾಗಿ ಪರಿವರ್ತಿಸಿದರು. ಮರಗಳಲ್ಲಿ ಆಶ್ರಯ ಪಡೆದಿದ್ದ ನೂರಾರು ಪಕ್ಷಿಗಳು ಎಲ್ಲಗೆ ಹೋಗಬೇಕು? ಅವುಗಳನ್ನೆಲ್ಲಾನೀವು ಸಾಕುತ್ತೀರಾ? ನಿಮ್ಮ ನಿಮ್ಮ ಸ್ವಾರ್ಥಕ್ಕಾಗಿ ನನ್ನನ್ನು ಬಲಿ ಕೊಡುತ್ತಿದ್ದಿರಿ? ನನಗೆ ನ್ಯಾಯ ಕೊಡಿಸಿ ರಸ್ತೆಯ ಬದಿಯಲ್ಲಿದ ಮರಗಳನ್ನು ಕಡಿದು ರಸ್ತೆಯನ್ನು ಅಗಲಿಕರಣಗೊಳಿಸಿ ಮತ್ತಷ್ಟು ವಾಹನಗಳು ಹೆಚ್ಚಿಗೆ ಹೋಗುವ ಹಾಗೆ ಮಾಡಿ ವಾಹನಗಳ ವಿಷಾನಿಲವನ್ನು ಕುಡಿಸಿದಿರಿ ಮತ್ತೇ ಗಿಡಗಳನ್ನು ನೆಟ್ಟಿರುವಿರಾ? ಹೀಗೆ ಮರಗಿಡ ಇಲ್ಲದೆ ಮಳೆ ಆಗು ಆಗು ಅಂದ್ರೇ ಅದು ಎಲ್ಲಿಂದ ಆಗಬೇಕು? ಹೇಳಿ” ಎಂದಳು.

ಭೂಮಿತಾಯಿ ಇಷ್ಟೆಲ್ಲಾ ಹೇಳಿದಾಗ ಹೌದಲ್ಲಿ ಮನುಷ್ಯ ತನ್ನ ಸ್ವಾರ್ಥಕ್ಕಾಗಿ ತನ್ನ ಬದುಕಿಗಾಗಿ ಪ್ರಕೃತಿಯನ್ನು ಬಲಿ ಹಾಕುತ್ತಿದ್ದಾನೆ ನಮಗೆ ಕೇಳದೆ ಸಕಲವನ್ನು ಕೊಟ್ಟ ಪ್ರಕೃತಿಗೆ ನಾವೇನು ನೀಡುತ್ತಿದ್ದೇವೆ ಎಂದೆನಿಸಿತು ನಾನು ಅವಳಿಗೆ ಸಮಾಧಾನವನ್ನು ಮಾಡುತ್ತಾ ಹೇಳು ನಾವೇನು ಮಾಡಬೇಕು? ಎಂದೆ.

ಅದಕ್ಕೆ ಅವಳು ಎಲ್ಲರೂ ಗಿಡವನ್ನು ನೆಡಿ, ಅದಕ್ಕೆ ಸರಿಯಾಗಿ ನೀರುಣಿಸಿ ಬೆಳೆಸಿ, ನಿಮ್ಮ ಸುತ್ತಲ ಪರಿಸರವನ್ನು ಸ್ವಚ್ಛವಾಗಿಟ್ಟುಕೊಳ್ಳಿ, ನಿಮ್ಮ ಮನೆಯವರನ್ನು ಪ್ರೀತಿಸಿದಂತೆ ಪ್ರಕೃತಿಯನ್ನು ಪ್ರೀತಿಸಿ, ನೀರನ್ನು ಸರಿಯಾಗಿ ಬೇಕಾದಷ್ಟೇ ಬಳಸಿ, ಆಗ ನಾನೂ ಸುಖವಾಗಿರುತ್ತೇನೆ. ನೀವು ಸಂತೋಷದಿಂದ ಸುಖವಾಗಿರುತ್ತೀರಾ ಎಂದು ಹೇಳಿ ಮಾಯವಾದಳು.

ನನಗೆ ಫಕ್ಕನೆ ಎಚ್ಚರವಾಯಿತು, ಎದ್ದು ನೋಡಿದಾಗ ಇನ್ನೂ ರಾತ್ರಿ, ಇದು ಕನಸು ಎಂದು ಗೊತ್ತಾಯಿತು. ಆ ಕನಸನ್ನೆ ನೆನಪಿಸಿಕೊಂಡು ಯೋಚನೆ ಮಾಡಿದೆ. ಹೌದಲ್ಲ ಮನುಷ್ಯ ತನಗೆ ಎಲ್ಲವನ್ನು ಕೊಟೆ ಈ ಪ್ರಕೃತಿಗೆ ಏನನ್ನು ನೀಡಿದ್ದಾನೆ? ಮನುಷ್ಯನ ಕೊಡುಗೆ ಏನೆನು ಇಲ್ಲ,

ಹೌದಲ್ಲ ಸ್ನೇಹಿತರೆ ಭೂಮಿತಾಯಿ ಹೇಳಿದ ಮಾತುಗಳು ಎಷ್ಟು ನಿಜ ಎಲ್ವಾ? ಇನ್ನು ಮೇಲೆ ನಿರ್ಧರಿಸೋಣ ಎಲ್ಲರೂ, ಪ್ರಕೃತಿಯನ್ನು ಉಳಿಸೊಣ ಪ್ರಕೃತಿಯನ್ನು ಉಳಿಸೋಣ.


ಕಾಮೆಂಟ್‌ಗಳು

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

ಅಪ್ಪನೆಂಬ ಹೆಗಲು ತಬ್ಬೋ ಜೀವ...!!

ಇಮೇಜ್
ಅಪ್ಪ ಕೇವಲ ಎರಡು ಅಕ್ಷರವಾದರೂ ಅದರ ಹಿಂದಿರುವ ಭಾವ ಅಳೆಯಲಾಗದ್ದು. ಅಪ್ಪ ಪ್ರತಿಯೊಬ್ಬ ಹೆಣ್ಣು ಮಕ್ಕಳ ಹೀರೋ. ಅವ್ವನ ಮಡಿಲಲ್ಲಿ ಬೆಚ್ಚಗೆ ಇದ್ದವರಿಗೆ, ಅಪ್ಪನ ಹೆಗಲ ಕಾವು ಬೇಗನೇ ಅರ್ಥವಾಗುವುದಿಲ್ಲ. ಇದನ್ನು ಯಾಕೆ ಹೇಳುತ್ತಿದ್ದೆನೆಂದರೆ ನನ್ನ ವಿಷಯದಲ್ಲೂ ಹಾಗೇ ಆಗಿದ್ದು, ಅವ್ವನ ಮಡಿಲು ಸ್ಪಷ್ಟವಾಗಿ ಕಣ್ಮುಂದೆ ಇತ್ತು. ಆದರೆ ಅಪ್ಪನ ಹೆಗಲನ್ನು , ಆತನ ಭಾವ ತಿಳಿಯುವುದಕ್ಕೆ ಇಷ್ಟೊಂದು ಸಮಯ ಬೇಕಾಯಿತೆನೊ. ಮೊದಲಿನಿಂದಲೂ ಅಪ್ಪ ಬಿಗಿ ಮುಖದವನು. ಕೋಪ ಸದಾ ಮುಖದಲ್ಲಿ ಆಡುತ್ತಿತ್ತು. ಅದರ ಹಿಂದೆ ಮಕ್ಕಳು ಸರಿಯಾದ ದಾರಿಯಲ್ಲಿ ನಡೆಯಬೇಕೆಂಬ ಕಾಳಜಿಯಿತ್ತು. ಇಂದಿಗೂ ಇದೆ. ಅಂತಹ ಅಪ್ಪ ಇದೇ ಕಾರಣಕ್ಕೆನೋ ನನಗೆ ಬೇಗನೆ ಆಪ್ತವಾಗಲೇ ಇಲ್ಲ. ಅವ್ವನ ಮಡಿಲಲ್ಲೆ ಹೆಚ್ಚಾಗಿ ಬೆಳೆದ ನನಗೆ, ಅಪ್ಪ ಬಹು ಸುಲಭಕ್ಕೆ ಅರ್ಥವಾಗಲಿಲ್ಲ. ಬುದ್ದಿ ಬಲಿತಂತೆ ಅಪ್ಪನ ಕೋಪ,‌ಸಿಡುಕುಗಳ ಪರಿಚಯ, ಅದರ ಹಿಂದಿರುವ ಕಾಳಜಿ‌ ಮೆಲ್ಲ-ಮೆಲ್ಲನೆ ನನ್ನೊಳಗೆ ಅಡಿಯಿಡತೊಡಗಿತ್ತು. ಅಪ್ಪ ಅರ್ಥವಾಗತೊಡಗಿದ ಮೆಲ್ಲನೆ. ಅಪ್ಪ ಕಲಿಲಿಲ್ಲ. ಆದರೆ ತನ್ನ ಮಕ್ಕಳನ್ನು ಮಾತ್ರ ಚೆನ್ನಾಗಿ ಓದಿಸಿದ. ಅಪ್ಪನಿಗಿರುವ ತಿಳುವಳಿಕೆ, ಅನುಭವ ಅಪ್ಪನ ವಾರಿಗೆಯವರಿಗೂ ಇತ್ತೋ, ಇಲ್ವೋ ಗೊತ್ತಿಲ್ಲ. ಅಪ್ಪ ಕಲಿಯದೇ ಇದ್ದರೂ,ಕನ್ನಡ ಬಿಟ್ಟು ಬೇರೆ ಭಾಷೆ ಗೊತ್ತಿಲ್ಲದೆ ಇದ್ದರೂ, ಕಾಶಿ, ದೆಹಲಿ ಹೀಗೆ ಅರ್ಧ ಭಾರತವನ್ನು ಸುತ್ತು ಹಾಕಿದ, ಜೊತೆಗೆ ಅವ್ವನನ್ನು ಕರೆದುಕೊಂಡು. ಒಮ್ಮೊಮ್ಮೆ ಅಪ್ಪನ
ಇನ್ನಷ್ಟು ಓದಿ

ಹಿತ್ತಲು ಎಂಬ ಕಾಡುವ ರೂಪಕ..!!

ಪ್ರತಿಯೊಂದು ಮನೆಗೂ ಒಂದೊಂದು ಹಿತ್ತಲು ಹಾಗೂ ಹಿಂಬಾಗಿಲು ಎಂಬುದೊಂದು ಇರಲೇಬೇಕು. ಪ್ರತಿಯೊಂದು ಮನೆಗೂ ಆ ಮನೆಯ ಹಿತ್ತಲೇ ಭೂಷಣ. ಈಗಿನ ಸಿಟಿ ಮನೆಗಳಲ್ಲಿ ಹಿತ್ತಲು ಎನ್ನುವುದು ಗೊತ್ತಿರುವುದಾಗಿರಲಿ ಮನೆ ಸಿಕ್ಕರೆ ಸಾಕು ಎನ್ನುವ ಹಾಗಿರುತ್ತದೆ. ಆದರೆ ಹಳ್ಳಿಯ ಕಡೆ ಹಾಗಲ್ಲ. ಅಲ್ಲಿ ಮನೆ ಜೊತೆಗೆ ಎಲ್ಲರೂ ನೋಡುವುದು ಹಿತ್ತಲು ಇದೆಯೊ ಇಲ್ಲವೊ ಎನ್ನುವುದನ್ನು. ಮುಂಬಾಗಿಲಂತೆ ಹಿಂಬಾಗಿಲು ಎನ್ನುವುದು ಆ ಮನೆಯ ರೂಪಕವಿದ್ದಂತೆ. ಹಿತ್ತಲು ಎನ್ನುವುದು ಕೇವಲ ಖಾಲಿ ಜಾಗವಲ್ಲ. ಅದೊಂದು ವಿನೂತನ ಪ್ರಪಂಚ. ಹೆಚ್ಚಿನ ಹೆಂಗಳೆಯರ ಮಾತಿನ ಹರಟೆಯ ಜಾಗವದು. ಹಿತ್ತಲಿನಲ್ಲಿ ಸದ್ದಾಗದೆ ಮಾತಾಡಲೂ ಬಂದು ಕೂತರೆ ಅಷ್ಟೊತ್ತಿನವರೆಗೆ ಅಲ್ಲಿ ಮೌನ ತಾಂಡವಾಡುತ್ತಿದ್ದು ಒಮ್ಮೆಲೆ‌ ಅದು ಕೂಡ ಇವರ ಮಾತಿನ ಗಲಿಬಿಲಿಯನ್ನು ತಾಳಲಾರದೆ ಕಿವಿ ಮುಚ್ಚಿಕೊಳ್ಳುತ್ತದೆ. ಹಿತ್ತಲಿನ ತುಂಬೆಲ್ಲ ಹಾರಾಡುತ್ತಿರುವ ಅಮ್ಮನ, ಅಕ್ಕನ ತಲೆಗೂದಲು, ಮೂಲೆಯಲ್ಲಿ ಸಣ್ಣ ಗುಡ್ಡದ ಹಾಗೇ ಒತ್ತೊತ್ತಾಗಿಟ್ಟಿರುವ ಕಟ್ಟಿಗೆ ತುಂಡು, ಹಿತ್ತಲ ಗಿಡವು ಮದ್ದಲ್ಲ ಎಂಬ ಗಾದೆಯೊಂದು ಅಸ್ತಿತ್ವದಲ್ಲಿದ್ದರೂ, ಈ ಪಕ್ಕದ ಮೂಲೆಯಲ್ಲಿ ಬೆಳೆದಿರುವ ಸೊಪ್ಪು, ಹೂವು, ತರಕಾರಿ ಗಿಡಗಳು. ಅಣ್ಣನ ಸಿಗರೇಟು ಸೇದುವ ತಂಗುದಾಣವಿದು. ತಮ್ಮ ಮನೆಗೆ ಲೇಟಾಗಿ ಬಂದರೆ ಮನೆ ಒಳಗೆ ಸೇರುವಂತಹ ಕಳ್ಳದಾರಿ. ಹೀಗೆ ಹಿತ್ತಲು ಎಂಬುದು ಕೇವಲ ಖಾಲಿ ಜಾಗವಲ್ಲ. ಅಲ್ಲಿ ಹಲವಾರು ಭಾವಗಳಿವೆ. ಅಕ್ಕ ಕದ್ದು ಮುಚ್ಚಿ ತನ್ನ ಪ
ಇನ್ನಷ್ಟು ಓದಿ

ಅಪ್ಪಟ ಧಾರವಾಡ ನೆಲದ ಕಾದಂಬರಿ

ಗಂಗವ್ವ ಗಂಗಾಮಾಯಿ ಅಪ್ಪಟ ಧಾರವಾಡ ನೆಲದ ಸೊಗಡಿನ ಕೃತಿ. ಮೂರು ಕುಟುಂಬಗಳ ಸುತ್ತಲೆ ಸುತ್ತುವ ಈ ಕಾದಂಬರಿ, ಧಾರವಾಡವನ್ನು ಹಾಗೂ ಆ ಭಾಷೆಯನ್ನು ಬಹಳ ಚೆನ್ನಾಗಿ ಲೇಖಕರು ಈ ಕಾದಂಬರಿ ಅಲ್ಲಿ ಬಳಸಿಕೊಂಡಿದ್ದ ಮೊದಲನೆಯ ಕುಟುಂಬ ಗಂಗವ್ವ, ಅವಳ ಮಗ ಕಿಟ್ಟಿ ಮತ್ತು ಗಂಗವ್ವಳ ತಮ್ಮ ರಾಘಪ್ಪನದ್ದು. ಇನ್ನೊಂದು ದೇಸಾಯಿಯವರ ಕುಟುಂಬ. ಇದು ಗಂಗವ್ವನಿಗೆ ಬೆನ್ನೆಲುಬಾಗಿ ನಿಂತ ಕುಟುಂಬ. ತನ್ನ ಮಗ ಕಿಟ್ಟಿಯನ್ನು ಓದಿಸಿ ಸ್ವತಂತ್ರನನ್ನಾಗಿ ಮಾಡುವುದೇ ಗಂಗವ್ವನ ಗುರಿ. ಈ ಕುಟುಂಬದಲ್ಲಿ ಗಂಗವ್ವಳ ತಮ್ಮ ರಾಘಪ್ಪ ಪ್ರವೇಶ ಪಡೆದ ಮೇಲೆ ಕಥೆ ಮತ್ತಷ್ಟು ಚುರುಕು ಪಡೆಯುತ್ತದೆ. ರಾಘಪ್ಪನನ್ನು ದ್ವೇಷಿಸುತ್ತಿದ್ದ ಗಂಗವ್ವ ,ಆದರೆ  ಕಿಟ್ಟಿ ರಾಘಪ್ಪನ ಮಗಳನ್ನೆ ಮದುವೆಯಾಗುತ್ತಾನೆ. ನಂತರ ಕಥೆಯು ರಾಘಪ್ಪನ ಸುತ್ತ ಗಿರಕಿ ಹೊಡೆಯುತ್ತದೆ. ಅವನ ಅಂತರಂಗ, ಚಾಣಾಕ್ಷತೆ ಮತ್ತು ಬಲ ಹೀನತೆಗಳ ಪರಿಚಯವಾಗುತ್ತದೆ. ರಾಘಪ್ಪನ ಉಪಾಯ ಮತ್ತು ಯೋಜನೆಗಳನ್ನು ಕಾರ್ಯಗತಗೊಳಿಸುವಲ್ಲಿ ಇರುವ ಪ್ರಮುಖ ಅಡ್ಡಿ ಎಂದರೆ ದೇಸಾಯಿ ಕುಟುಂಬದ್ದು. ಇತ್ತ  ದೇಸಾಯಿ ಕುಟುಂಬದಲ್ಲಿ, ದೇಸಾಯಿವರ ಎರಡನೇ ಮಗ ವಸಂತ ಅವರ ಬಲ ಹೀನತೆ. ರಾಘಪ್ಪ ಮತ್ತು ದೇಸಾಯಿ ಇಬ್ಬರು ತಮ್ಮ ಚದುರಂಗದಾಟದಲ್ಲಿ ತಮ್ಮ ಕಾಯಿಗಳನ್ನು ನಡೆಸುತ್ತ ಹೋಗುತ್ತಾರೆ. ಆ ಶೀತಲ ಸಮರದಲ್ಲಿ  ರಾಘಪ್ಪನಿಗೆ ಸೋಲುಂಟಾಗುತ್ತದೆ. ಇದರ ಜೊತೆಯಲ್ಲಿ ನಡೆಯುವ ಘಟನೆಗಳಲ್ಲಿ, ರಾಘಪ್ಪನ ಪ್ರೇಯಸಿ ಮೆಹಬೂಬಾಳ ಮತ್ತು ಪತ್ನಿಯ ಸಾವು, ರಾಘಪ
ಇನ್ನಷ್ಟು ಓದಿ